Plantun de Prouvènço

Pèr coumpara dos planto d'encò nostre

Buxus sempervirens & Brachypodium rupestre subsp. rupestre

Bouis

Buxus sempervirens

Buxaceae

Autre noum : Bouisse.

Nom en français : Buis.

Descripcioun :
Aubret que fai souvènti-fes de bouissoun sus la roucaio, li relarg de l'éuse e subretout dóu roure. Flouris au mes de mars emé uno forto oudour. Douno de pichot fru redoun e banaru (l'oulo). Li fueio soun lisco e espèsso.

Usanço :
Lou bouis èro acampa, chapouta e mescla i fenso de fedo pèr faire de fumié pèr lou jardin (O. Madon e TdF : "lou bouis es un bon fumié"). Servié peréu à ajuda à la circulacioun dóu sang di bèsti. Li fueio de bouis en tisano soun vertuouso contro la fèbre e li mau de ren (mèfi pamens qu'èi toussi). Se fai peréu de ban pèr apeisa li mau d'os. Li ramo de bouis servien pèr tout un fube de causo, de l'escoubo pèr acampa lou gran i pouciéu. La ligno de bouis douno de poulìdi besougno que lusisson un cop aliscado (cano, boulo...).

Port : Aubret
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Buxus
Famiho : Buxaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Colo - Garrigo
Estànci : Pancaro entresigna
Couroulougi : Pancaro entresigna
Ref. sc. : Buxus sempervirens L., 1753

Bauco-(roucassiero)

Brachypodium rupestre subsp. rupestre

Poaceae Graminaceae

Noms en français : Brachypode penné, Palène.

Descripcioun :
Aquesto bauco trachis en mato souto li blacas, faiard e pin o en ribo de fourèst. Es un pau pelouso, mai bèn mens que Brachypodium sylvaticum. Se n'en destrìo peréu à sis arèsto que fan pas mai de 4 mm. Si fueio rèston plato au contre de Brachypodium phoenicoides que soun envertouiado. Coumpara emé la grando-bauco. La subsp. de Prouvènço, ié dison rupestre.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Brachypodium
Famiho : Poaceae
Famiho classico : Graminaceae

Coulour de la flour : Verdo
Petalo : ges
Ø (o loungour) enflourejado : 5 à 10 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
JUn à avoust

Liò : Bos clar - Blachiero - Faio
Estànci : Termoumediterran à Subremediterran
Couroulougi : Atlantico
Ref. sc. : Brachypodium rupestre subsp. rupestre (Host) Roem. & Schult., 1817 (= Brachypodium pinnatum subsp. rupestre (Host) Schübler & G.Martens, 1834 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Buxus sempervirens & Brachypodium rupestre subsp. rupestre

Coumpara Bouis emé uno autro planto

Coumpara Bauco-(roucassiero) emé uno autro planto